ABD prezidenti Donald Tramp jurnalistlerge, akimiyet Ukrayina vatandaşlarına cenk bitkenine qadar Birleşken Devletlerde qalmağa izin berecek dep bildirdi.
DW mühbiri, cenk sebebinden memleketini terk etken ukrayinalılarğa cenk bitkenine qadar ABD-de qalmağa izin berecekmi, dep soradı. "Men bellesem, öyle de yapacaqmız,—dedi Tramp. — Bizge Ukrayinadan çoq insan keldi, ve biz olarnen çalışamız".
2025 senesi baarde ABD-de gumanitar programma çerçivesinde yaşağan bir qaç Ukrayina vatandaşı ABD Sıñır-gümrük hızmetinden statusları lâğu etilgeni ve yedi kün içinde memleketni terk etmeleri aqqında elektron mektüp alğanlar. O, ukrayinlerniñ statusı ğayrıdan baqılğanını ve olarnıñ Amerika Birleşken Devletlerinde bulunmaq aqqı olmağanını bildire edi.
ABD İç telükesizlik nazirliginiñ vekili, mektüpler "hata" ile yollanılğanını bildirdi ve 2022 senesi Rusiyeniñ Ukrayinağa istilâsından soñ teşkil etilgen Uniting for Ukraine (U4U) programması devam ete.
